"Bugatti”nin ən son modeli olan "Calibier 16C” istehsala başlanacağı təqdirdə qiyməti təqribən 1,5 milyon avro olacaq. "Auto Express” jurnalının verdiyi xəbərə görə, bu model öz sinfinin ən yüngül avtomobili olacaq. Avtomobil "Bugatti Veyron”un modifikasiya edilmiş mühərriki ilə komplektləşdiriləcək. Bununla da mühərrik gücü 1001-dən 800-ə enəcək. Avtomobilin transmissiya sistemi də "Veyron”dan fərqlidir. Yeni modeldə səkkizpilləli klassik avtomat sürət qutusu tətbiq edilir. "Calibier 16C”-nin maksimal sürəti isə 350 km/saatdır. "Veyron”un orijinal sürət qutusunun qiyməti 100 min avrodur. Qeyd edək hazırda seriya ilə istehsal olunan sedanlar arasında ən bahalı model "Maybach 62S Landaulet”-dir. Çox məhdud sayda buraxılmış bu avtomobilin qiyməti təqribən 900 min avrodur, başqa sözlə, adi "Maybach”-dan 2 dəfə bahadır. Müqayisə üçün deyək ki, "Rolls-Royce Phantom” cəmi 300 min avroyadır.
"
